१२ डिसें, २०१४

संघाचे धर्मांतर …. विरोधी पक्षांचा गदारोळ आणि काही मूलभूत प्रश्न


७ प्रश्न कोकुमम्मा च्या विचारासाठी  आणि   प्रश्न हिंदुत्व वाद्यांच्या विचारासाठी 
 .
पार्श्वभूमी : लोकसत्ताच्या ११ डिसेंबर २०१४ च्या बातमिनुसार २०० मुस्लिमाना संघाने हिंदु करून घेतले. दोन्ही (को)न्ग्रेस ,(क)म्युनिस्ट, बंगालची (म)मता आणि (मा)यावती कोकुममा यांच्या पक्षांनि लोकसभा आणि राज्यसभेत गदारोळ घातला . या पक्षाना एकत्रित रित्या कोकुममा म्हणुया . विरोध करताना कोकुममा कारणे देत होते कि या हिंदु धर्मांतरामुळे ताणाव वाढेल , संघाने आधार कार्डाची लालूच दाखवली इत्यादी.

भारताची घटना त्यातला सेक्युलारीझम आणि धर्म् - स्वातंत्र्य हे सर्व भारताच्या  हिताचे आहे । हे तुम्हाला कधी कळणार ? हा बौद्धिक दुबळेपणा कधी सोडणार ?
.
यातून काही मुलभूत धार्मिक -राजकीय - सामजिक प्रश्न उभे राहतात . त्यांचा अतिशय तटस्थ पणे विचार करुया .
७ प्रश्न कोकुमम्मा च्या विचारासाठी : 

१) धर्मांतर हा घटनेने दिलेला हक्क आहे . मुस्लिमांना हा घटनादत्त मूलभूत अधिकार नाकारणारे कोकुममा कोण ?
.
२) यावेळी संघाने केवळ २०० लोकाना हिंदु केले आहे । या आधी लाखोंच्या संख्येने ख्रिश्चन आणि मुस्लिमांनी हिंदुचे धर्मांतर केलेले आहे . त्यावेळी कोकुममा चे प्रश्न आणि गोंधळ कोठे गुप्त झाला होता ?
.
३) आधार कार्ड देतो अशी लालूच दाखवून संघाने धर्मांतर घडवले असा या पक्षांचा आक्रोश आहे . या आधी जी हिंदुंचि धर्मांतरे ख्रिस्ती आणि इस्लाम धर्मात झाली ती सर्वच्या सर्व तौलनिक धर्म शास्त्रांचा विद्यापीठीय अभ्यास करून झाली होती काय ? रेव्हरंड टिळ्कांसार्खे अपवाद वगळता ९९.९९९% धर्मातारे हि भीती किंवा लालुच यामुळेच होतात. पाद्र्यांचि पाव भिस्कुटे आणि मौलविंचा (लग्नाळू लव्ह ) दबाव राहिला एका बाजूला . मुळात सारे धर्मच लालूच दाखवतात . जन्नतची लालूच . जहन्नुमची भीती . स्वर्ग - नर्क - मोक्ष - पुनर्जन्म - दु:खमुक्ती यांची भीती किवा लालूच दाखवल्याशिवाय कोण्यातरी धर्माचे दुकान चालेल काय ?
.
४) जमाते इसलामीचे दावत आणि इस्लाम सर्वांसाठी असे धर्मांतर अभियान सध्या चालू आहे. मागे जॉनी लिव्हर आणि नगमाने मुंबईभर मोठमोठाली पोस्टर लावून ख्रिस्ती धर्मप्रचार चालवला होता . तेव्हा कोकुममा आणि त्यांचे भाडोत्री विचारवंत काय करत होते ?
.
५) यात खरे विवस्त्र झाले ते कम्युनिस्ट . धर्म हि जर अफूची गोळी आहे तर अफूचा ब्रेंड बदलल्याने तुम्हाला काय फरक पडतो ? अल्प्संख्यकांच्या सहान्भूतीचे हे फ्लोप नाटक कोकुममा किती वेळ करणार ?
.
६)हिंदुनि भारतीय धर्मात केलेले धर्मांतर आणि उपरोक्त धर्मांतर यातला फरक   आहे   ?   हिंदु - मुस्लिम - ख्रिस्ती धर्मांतराचा संबध बाबासाहेब आंबेडकरांच्या धम्म स्वीकाराशी करण्याचा मुर्खपणा कोकुममा करणार आहेत काय ? सामाजिक न्यायासाठी बाबासाहेबांनी केलेले योग्य कृत्य आणि उपरोक्त राजकीय वशिलेबाजीतला फरक कोकुममा ला कळणार काय ?
.
७ )अशा प्रकारे सतत हिंदु जन विरोधी आणि इस्लाम धर्म धार्जिणी भूमिका घेतली तर कोकुममा पैकी एखाद्याला… निदान विरोधी पक्षनेता होण्याएव्हढ्या सीटा तरी भारतीय लोकसभेत मिळतील काय ?


--------------------------------------------------------------------------------------------------------------------

मी इथे धर्म सुधारणाबद्दल बोलत नसून …. कोकुमम्मा च्या दुटप्पी धर्मांधतेबद्दल बोलत आहे . मुस्लिमाना धर्मांतराचा मुलभुत हक्क नाकारणार्या कोकुमम्मा फेसिझम बद्दल बोलत आहे … बाकी तणाव दबाव हे अपवाद आहेत …इथेहि आणि तिथेही … धर्म हि एक अतिशय सामान्य आणि फालतू गोष्ट आहे आणि ती दिवसातून पाच वेळा बदलली तरी चालते . सोडली तरी चालते . किंबहुना हिंदु समाजाच्या हितासाठी त्यांनी मनुस्मृती जाळली पाहिजे असेच आमचे मत आहे. हिंदू समाजाचे हित …… आणि ……. सनातनी हिंदु धर्मवाद यातला फरक स्पष्ट करण्यात पुरोगामी अपयशी ठरले आहेत . कारण हिंदु या शब्दाचाच वांझोटा " कुत्सित " द्वेष करणारी   विचारसरणी त्यांच्या मनावर अधिराज्य गाजवते आहे .
--------------------------------------------------------------------------------------------------------------------
--------------------------------------------------------------------------------------------------------------------

मी अतिशय काळजीपूर्वक वरील प्रश्न विचारले आहे . सहसा असे प्रश्न सनातनी विचारतात पण त्यांचा मुद्दा असतो कि … हिंदु धर्मातच सुधारणा का ? हिंदुचेच अंधश्रद्धा निर्मुलन का ? सानातन्यांचे विक्षिप्त म्हणने आहे कि " … जो तो उठतो तो हिंदूंनाच शहाणपण काय म्हणुन शिकवतो ? हिंदूच्याच सुधारणा काय म्हणुन ? अंधश्रद्धा निर्मुलन फक्त हिंदुचेच का ? विकास फक्त हिंदुचाच का ? प्रगती फक्त हिंदुचीच का ? प्रगतिपथावर फक्त हिंदूच का ? हिन्दुनाहि बहुपत्नित्वाचा , धर्माधतेचा , अस्पृश्यतेचा , मागासलेपणाचा, दारिद्र्याचा , भोळसट्पणाचा आणि गरिबिचा पुर्ण हक्क आहे ! आणि तो आम्ही हिन्दु मिळवणारच"
.--------------------------------------------------------------------------------------------------------------------


७ प्रश्न हिंदुत्व वाद्यांच्या विचारासाठी :


हिदुत्व वादि लोक्स धर्मांतर बंदी कायद्याचा पुनरुच्चार करत आहेत । तसे झाले तर हा घटनेने दिलेल्या मुलभुत धर्म स्वातंत्र्यावर घाला असेल।  ७ प्रश्न हिंदुत्व वाद्यांच्या विचारासाठी :

हिंदु सबलिकरणाचि भाषा करणार्यांना संख्या हे एक बळ हे समजत नाही ? जर समजत असेल तर मग हिंदु पर्सेंटेज आहे तेव्हढेच ठेवण्याचा धर्मांतर बंदी कायदा का ?
.
१)श्रद्धा हि डोक्यात असते कागदी सर्टिफ़िकेटात नाही । आणि विचारावर बंदि घालता येत नाहि. बौद्धिक चर्चा करून स्वधर्माची महती पटवून द्यायला काय अडचण आहे ? कि काही विशिष्ट मुद्द्यावर चर्चा आणि आत्म्परिक्षण कठीण जाते आहे ?
.
२) आज हिंदुत्व वादि पुर्ण बहुमताने सत्तेत आहेत . हा देश शत प्रतिशत हिंदु बनवायची सुवर्णसंधी चालून आलेली आहे . हिंदु लोक सत्ता संपत्ति साधने आणि माध्यमे या बाबतीत इसाई आणि मुस्लिमांपेक्षा कितीतरी अधिक सरस आहेत . मग हि भित्रट वृत्ती का ? धर्मप्रसार करणे हा हिंदुचाहि मुलभूत घटनादत्त हक्क आहे … तो तुम्हाला का गमवायचा आहे ? सारी सत्ता हातात असताना मिश्नर्यांसमोर का गुढगे टेकताय ? हे क्लैब्य आहे … आणि हि मानसिक कमजोरी हिंदुचा सर्वनाश घडवण्यास पुरेशी आहे . बाहेरच्या शत्रुंची गरज नाही .
.
३) धर्मांतर केले कि नव्या धर्मांतरीत व्यक्तिस कोणती जात द्यावी ? कर्मविपाक सिद्धांताने गेल्या जन्मीचे फळ म्हणुन मिळणारी जात कशी शोधावी ? सर्व धर्म सारखीच शिकवण देतात ? अशा भाकड प्रश्नातून हिंदुनि यापूर्वी कधीही धर्मप्रसार केला नाही । त्यात सहिष्णुतेचा भाग कमी आणि मानसिक क्लैब्याचा भाग अधिक आहे . या मानसिक कमजोरीतून बाहेर पडल्याशिवाय हिंदू समाज , त्याचे समाजकारण आणि राजकारण कधीही बलवान होऊ शकत नाही .
.
४) हम पाच हमारे पच्चीस वरून मुस्लिमांविरुद्ध बोंब ठोकायची आणि हिंदुनि दहा मुले जन्माला घालावीत असे आदेश काढायचे … यापेक्षा बरे उपाय संख्या वाढवायला मिळत नाहीत का ? कुटुंबाची लोकसंख्या लग्नाच्या संख्येवर अवलंबुन असते-- समाजाची नाही . एव्हढे साधे सत्य समजत नाही ? निसर्गात: स्त्रीपुरुष प्रमाण समान असते … एकाने पाच लग्ने केली तर उरलेले चार पुरुष विधुर राहतात हे तरी समजते का ? समाजाची लोकसंख्या त्या समाजातील स्त्रियांच्या लोकसंख्येवर अवलंबुन असते … लग्नावर नाही …। हिंदुतलि स्त्रीभ्रूण हत्या थांबवणे हा लोकसंख्या वाढवायचा शास्त्रीय मार्ग आहे. पर हजारी स्त्रियांची संख्या मुस्लिमात जास्त आहे…कारण त्यांत स्त्रीभ्रूण हत्येचे प्रमाण नगण्य आहे …। या बाबतीत त्यांची बरोबरी करायला कधी आदेश का नाही आला ?
.
५) स्त्रीभ्रूण हत्या थांबवणे यासारखे हिंदु सबलीकरणाचे साधे सोपे शास्त्रीय मार्ग सोडुन द्यायचे आणि … कुटुंबनियोजन नको म्हणुन रडायचे … धर्मांतर बंदी कायद्याची वकिली करायची आणि मग हिंदुराश्ट्र म्हणुन रडायचे … हा बौद्धिक भित्रेपणा कधी सोडणार ?
6) आपला धर्म इतरांना सामावून घेण्याची शक्ती गमावून चुकला आहे … मठ मंदिराच्या आवारात आणि बाबा बुवांच्या परसात धर्माची वाढ खुंटली आहे … वाढ करायची नाही … या भ्याडपणातुन सर्वच धर्म सारखी शिकवण देतात … हि बुळचट विचारसरणी हिंदुत जन्माला आली . धर्मांतर केले तरी ते किती वेळ टिकेल याची ग्यारेंटि नाही … म्हणुन कायद्याची नाटके चालू आहेत… सध्याच्या हिंदु सरकारला एक कायदा करून मंदिरातले हजारो कोटींचे धन त्यांच्या घर वाप्सिला वापरता येईल … हिंदुचा पैसा हिदुधर्माच्या वाढीसाठीच वापरल्याचे पुण्य पण मिळेल . असे होईल का ?
.
7) बहुसंख्य ख्रिस्ती धर्मांतर हे रोग बरे करणारे येशूचे पाणि वाटुन होते . अंधश्रद्धा निर्मुलन कायद्याचा योग्य वापर केला तर ख्रिस्ती धर्मांतर पूर्णपणे थांबवता येईल हे सनातनी बाल्बुद्धीना सुचेल काय ? त्याच कायद्याचा वापर करून शौर्य दाखवणार कि भित्र्या भागुबाई प्रमाणे अंधश्रद्धा विरोधी कायद्याच्या नावाने रडत बसणार ?

.जर एखाद्याने मनातून हिंदु धर्म सोडला तर कागदी सर्टिफ़िकेटला कोण विचारतो ? कागदोपत्री हिंदु असलेले लोक्स हिदुत्व वादि असतात काय ? नव्या युगात आत्मपरिक्षण धर्मसुधारणा हि टिकण्याची साधने आहेत …. भ्याड कायदे नाही … इव्होल्युशन आणि नास्तिकता अंशत: तरी मान्य करणार्या ख्रिस्ती पोप ला हे कळले …भारताची घटना त्यातला सेक्युलारीझम आणि धर्म् - स्वातंत्र्य हे सर्व हिंदु हिताचे आहे । हे तुम्हाला कधी कळणार ? हा बौद्धिक दुबळेपणा कधी सोडणार ?


. Dr Abhiram Dixit
.

२ नोव्हें, २०१४

मोदि विरुद्ध सावरकर

मोदि विरुद्ध सावरकर

भारताचे नवनिर्वाचित प्रधानमंत्री नरेंद्र मोदि हे अनेक  अर्थाने आदरास पात्र आहेत. ते उत्तम वक्ते,  श्रेष्ठ जननायक आणि तळमळीचे कार्यकर्ते आहेत . त्यांची देशभक्ती वादातीत आहे. आणि सध्याच्या राजकीय नेत्यांशी तुलना केली तर ते सर्वात  स्वच्छ प्रतिमेचे आणि  सर्वाधिक कार्यक्षम आहेत. कोन्ग्रेस नावाची कुरूप जीर्ण जर्जर  म्हातारी त्यांच्या हस्ते इहलोकातून परलोकात गेली हेही अतिशय वाखाणण्या जोगे आहे .   एक सामान्य माणुस --परिस्थितीशी लढा देत  -- चहावाला ते भारताचा सर्वात लाडका नेता इथपर्यंतचा प्रवास ४० - ५० वर्षात करतो आणि भाजपाला देशाचे सत्ताकेंद्र बनवतो हेही जबरदस्त आहे . प्राप्त राजकीय परिस्थितीचा विचार करता   नरेद्र मोदि आणि  नवे उमदे नेतृत्व तयार करणारी  भाजपा याना पुढची किमान १० - १५ वर्षे तरी  सत्तेचा निरंकुश योग संभवतो आहे . फेमिली बिजनेस सारखे चालणारे इतर राजकीय सरंजामी पक्ष भाजपाच्या वार्यालाही उभे राहू शकत नाहीत हि सत्य परिस्थिती आहे . नरेंद्र मोदींचे सावरकर प्रेमही सर्वश्रुत आहे . त्यांनी सावरकराना अनेकवार  दिलेली मानवंदना सर्वज्ञात आहे .  भारताचे प्रधानमंत्री होण्यास ते प्राप्त परिस्थितीत सर्वाधिक पात्र होते हे सत्य मतदार राजाने अधोरेखित केले आहे . मी स्वत:हि त्याच मताचा आहे . पण सावरकरांच्या फोटोची पूजा केली म्हणजे  त्यांचे विचार मोदिना  मान्य आहेत असा अर्थ निघत नाही . .  आजची  चर्चा नरेंद मोदिना सावरकरांचे हिंदू धर्म विषयक विचार मान्य आहेत का ? मोदींचे धर्मविषयक विचार आहेत तरी काय ? यावर करायची आहे. हि चर्चा अतिशय महत्वाची आहे . कारण मोदींचे हिंदुत्व देशाच्या संरक्षण , परराष्ट्र , शिक्षण आदी महत्व पुर्ण धोरणावर प्रभाव टाकणार आहे .






 अंबानी सायबाच्या पंचतारांकित अत्याधुनिक अलोपाथी  रुग्णालयाच्या उद्घाटनात मोदि  उपस्थित होते . तिथे  प्रधान मंत्र्यांनी स्वत:चे विज्ञान , वैद्यक आणि धर्म विषयक विचार मांडले . असेच विचार त्यांनी निवडणुकीपूर्वी लतादिदींच्या हॉस्पिटलात हि मांडले होते .  गुजरात चे मुख्यमंत्री असताना मांडले होते . अनेकदा  तेच बोलल्यामुळे त्याचे हे मत ठाम आहे हे निश्चित . डोक्टर लोकांसमोर महोदय बोलत होते .  तर मोदींचे म्हणणे आहे कि - (शब्दश: भाषांतर )

१) भारतात पूर्वी वैद्यक शास्त्राची  प्रचंड प्रगती झाली होती .
२) आपण सर्वांनी महाभारतातल्या कर्णा  विषयी वाचले आहे. आपण जर  अजून थोडासा विचार केला तर आपणास उमजून येईल कि - कर्णाचा जन्म मातेच्या उदरात नाही . कर्ण  अयोनिज आहे. याचा खरा अर्थ  असा कि , भारतात त्या काळी जेनेटिक सायन्स अस्तित्वात होते.
३) आपण गणपतीची पूजा करतो . त्याकाळी नक्कीच कोण्यातरी प्लास्टिक सर्जन ने हत्तीचे मुंडके मानवी धडाला जोडले असणार .आणि  त्यावेळीच प्लेस्टिक सर्जरीची सुरवात झाली  .

http://www.theguardian.com/world/2014/oct/28/indian-prime-minister-genetic-science-existed-ancient-times


या सर्व छद्म विज्ञानाचे खंडन आठवीतला विद्यार्थी हि करेल . मातेच्या उदाराबाहेर जन्म घेण्यासाठी जेनेटिक सायन्स लागत नाही . सेरोगासी पुरते . बर कर्ण  हा अयोनिज होता ह्याला महाभारतात पक्का आधार आहे का ? हे असे जिवंत गणपति बनवायची प्लास्टिक सर्जरी अंबानी   रुग्णालयात नव्याने सुरु होणार का ? मग शेकड्यांनी गणपति बनवणार का ? असे अनेक मजेदार प्रश्न विचारता येतील .

मुद्दा वेगळा आहे . आमच्या पुराणात , वेदात आणि श्रुती स्मृतीत अत्याधुनिक सर्व ज्ञान सामावले आहे . धर्मशास्त्रे आणि भारताची पुरातन संस्कृती ह्यातच ज्ञानाचे मर्म आहे असे जर प्रधान मंत्र्यांचे मत असेल तर … भारताची प्रगतीविषयक धोरणे श्रुती स्मृती पुराणाना अनुसरून बनवली जाणार का ? त्यांची च्छाप भारताच्या संरक्षण , परराष्ट्र , शिक्षण आदी महत्व पुर्ण धोरणावर प्रभाव टाकणार का ? खरा मुद्दा हा आहे . प्रधान मंत्री मोदी  सावरकराना वारंवार मानवंदना देत असल्याने सावरकरांचे धर्मविषयक विचार काय होते ? हे जाणुन घेणे उचित ठरेल .



सावरकरांचे दोन लेख 

अधिक खोलात न जाता सावरकरांच्या दोनच लेखांचा थोडक्यात सारंश आपण पाहू . २००१ साली प्रकाशित झालेल्या समग्र सावरकर वाड्:मयाच्या पाचव्या खंडातल्या १९८ व्या पानावर  सावरकरांचा एक विनोदी  लेख आहे . त्याचे नाव काशितली दोन सम्मेलने : माकड महासंमेलन आणि भाकड महासंमेलन .  काशी नगरीस ज्ञानवापी असेही म्हणण्याचा प्रघात आहे . तर काशीला ब्राह्मणांचे एक संम्मेलन   भरले होते . श्रुती स्मृती पुराणोक्त धर्म आज लागू आहे काय ? या विषयाचा निवाडा लावण्यासाठी हे आयोजन होते .  त्याचवेळी सावरकरांनी हा लेख लिहिला आहे .  तात्याराव सावरकरांनी आपले एक "" मनकवडे ""  नावाचे काल्पनिक वार्ताहार काशीच्या ज्ञानवापिस पाठवले.……  तर श्री मनकवडेना दोन संमेलने दिसली --- पहिले संमेलन माकडांचे होते . काशीस पूर्वी माकडे मुक्त संचार करत . अद्वातद्वा उड्या  मारीत शेपटीने झाडास लोंबकाळित --  भू:भु:क्कार करीत माकडांचे दिवस सुखात चालले होते . मग एके दिवशी काशीच्या ज्ञानवापीत वीज आली. विजेच्या ताराही आल्या . विजेच्या ताराना  शेपटी लागल्यावर विजेचे झटके  आणि चटके बसू लागले. मग माकड महासंमेलनात एक महत्वाचा प्रश्न उपस्थित झाला . कि विजेच्या ताराना शेपटीने लटकावे का ? काही माकडे म्हणाली " छट्ट  हा प्रश्नच गैरलागू आहे . विजेच्या तारा नावाचा काही पदार्थ असता तर आपल्या त्रिकालदर्शी पूर्वजांनी माकड-स्मृतीत तसे लिहिले नसते काय ? ज्या अर्थी माकडस्मृतीत वीज नाही तर ती आताही अस्तित्वात असू शकत नाही.  शेवटी बराच गिचगीचाट झाला. माकडी भाषेतल्या दुरगम्य चर्चेतून असे निष्पन्न झाले कि - परिस्थिती बदलली आहे तेव्हा माकड स्मृतीत बदल केला पाहिजे……………………… त्याच वेळी अज्ञान वापिस ब्राह्मणाचे दुसरे संमेलन भरले होते त्याचा निष्कर्ष आला कि परिस्थिती हा शब्दच धर्म बाह्य आहे . अधम धर्म विरोधी आहे . शुद्ध संस्कृत भाषेत ओरडत… गिल्ला करत …  असा ठराव पास झाला कि परिस्थितीचा पालट विचारात घेणे हा धर्मद्रोह आहे . पाखंड आहे …………… लेखाचा समारोप करताना सावरकर लिहितात " या ब्राह्मण संमेलनातील ठरावामुळे डार्विनच्या उत्क्रांतीवादास मोठाच धक्का बसला . प्राप्त परिस्थितीत माकडाचा विकास होऊन माणुस झाला…. यापेक्षा माणसाचा विकास होऊन माकडे निर्माण झाली हेच मान्य करणे क्रमप्राप्त आहे. अज्ञान वापितले पंडित धर्म संमेलन हेच दर्शवते !"  यावार अधिक भाष्य न करता आपण सावरकरांचे त्यांच्या दुसर्या लेखातले शब्द जसेच्या तसे पाहू . लेखाचे नाव आहे : दोन शब्दात दोन संस्कृती .






दोन शब्दात दोन संस्कृती . - 

तो युरोप प्रत्यही अधिक काही शिकून अधिक शहाणा होत आहे . बापाहून शहाणा निघालोच कि नाही ? म्हणुन हुन्कारात आहे . बापाला जे कळत नव्हते ते शिकलो । तर बापाचे बापपण काय उरले? ... हि आमची भीती !
हिंदूसंस्कृतीचे महासूत्र म्हणजे स्मृतीश्रुती पुराणोक्त हेच होय ! आजच्या युरोपियन संस्कृतीचे ' अद्यायावत '.... त्याच्या अगदी उलट ! ते पूजक " आज" चे  आम्ही "काल" चे । ते "ताज्या" चे भोक्ते आम्ही "शिळ्या" चे ! एकुण पाहता युरोपियन संस्कृती "अद्यतन"  आमची "पुरातन"  !
तो धर्मग्रंथ पाच हजार वर्षापूर्वीचा धरला तरीही पाच हजार वर्ष मागासलेला ! जग पाच हजार वर्ष पुढे गेलेले .....परतू अजूनही आजचे विज्ञान न शिकता .....पाच हजार वर्षापुर्वीच्या शहाण्पणाहुन - अधिक शहाणे व्हायचेच नाही असे आम्ही ठरवून बसलो आहोत .
प्रकृती आणि काळ हि असा.... त्या स्वत:स अपरिवर्तनीय आणि त्रिकाल बाधित समजणार्या धर्मग्रंथांच्या ताडपत्रांचा चुराडा उडवीत …सारखा स्वच्छंद धिंगाणा घालीत असता .......त्या ग्रंथांच्या शेवटच्या अक्षरापलिकडे पाउल टाकायचेच नाही …. असा मूर्ख हट्ट धरणार्या लोकांची संस्कृती त्या त्या धर्म ग्रंथाच्या..... प्राचीन मागास संस्कृतीपेक्षा कधीही अधिक विकासु शकणार नाही ..... हे वेगळे सांगायला नको !
- विनायक दामोदर सावरकर (दोन शब्दात दोन संस्कृती ) समग्र सावरकर वाड्:मय 2001 (6:65)







सावरकर विरुद्ध मोदि 

भारताचे प्रधानमंत्री मा नरेंद्र मोदि यांनी कर्णाचा जन्म हे प्राचीन भारतातले जेनेटिक सायन्स आहे आणि गणपतीची कथा हे प्लास्टिक सर्जरीचे उदाहरण आहे असा शोध लावलेला आहे .वेदात आगगाड्या महाभारतात अणुबोम्ब आणि रामायणात पुष्पक विमान शोधणार्याचि काहीही कमी या देशात नाही. आपल्याकडे धर्मग्रंथ, शास्त्रे, पुराणे इतकी मुबलक आहेत, शिवाय अतिशय मोघम मसुद्याची आहेत. त्यामुळे रूपक, दृष्टांत, प्रतिमा असल्या भाषिक संकल्पना ताणून, तुम्ही त्यात शोधायचे म्हटले तर काहीही शोधू शकता !हे पहा विमाने आभाळातुन पडत नाहीत … स्क्रू बनवायच्या टेक्नोलोंजि पासून मेटालर्जि पर्यंत आणि एरोडायनामिक्स च्या किचकट गणितापासून ते इंधनाच्या शोधापार्यंत बहुशाखीय विज्ञान आणि तंत्रज्ञानाची प्रगती व्हावी लागते । आता हि सारी प्रगती रामायण काळी होती आणि वल्कले आणि धनुष्य बाण हि फक्त फेशन होती असे कोणाला  वाटत असेल तर ठीकच ! मुद्दा असा कि सर्व शाखीय विज्ञानाची प्रगती हातात हात घालून आणि " कालानुरूप " होत असते. 


कालानुरूप प्रगती 

 गेल्या दहा हजार वर्षांचा इतिहास पाहिला तर मनुष्याची झालेली प्रगतीच दिसून येते. हाच नियम गेल्या दहा शंभर आणी हजार वर्षालाही लागू पडतो. मनुष्य आपल्या ज्ञानाचा संग्रह करतो आणि तो पुढच्या पिढीला देतो. हे ज्ञान पाठांतरित, मुद्रित किंवा किंवा कशाही स्वरूपात पुढच्या पिढीला देता येते. त्यामुळे आज्यापेक्षा नातवाकडे जास्त ज्ञान असते. नातू जेंव्हा आजा होतो तेंव्हा त्यालाही हा नियम लागू होतो. हल्लीची पिढी एकदम चुकार म्हणत बोटे मोडणे सोपे आहे - पण पूर्वीच्या पिढीतहि असेच म्ह्टले जायचे हे एकदम सत्य आहे . खरी गोष्ट अशी आहे की - बापाचे ऐकायचे असे आपण ठरवले असते तर आपण आजही गुहेत राहत असतो.. लहान मुल जन्मते, रांगते, उभे राहते, चालते, धावते त्याची प्रगती होते हा निसर्गनीयम आहे. त्याचप्रमाणे पुढच्या पिढीकडे आपण ज्ञान संक्रमित करत जातो आणी पुढ्च्या पिढ्यांची प्रगती होते हाही निसर्गनियम आहे. वेदात आगगाड्या शोधणे किंवा गणपतीच्या पुराण कथेत प्लास्टिक सर्जरी शोधणे । हे चातुर्य आहे पण विज्ञान निष्ठ दृष्टीकोन नव्हे … अशा छद्म विद्न्यानामुळे प्रगतीला कोणताही हातभार लागत नाही पण एक अत्यंत चुकीचा प्रतिगामी संदेश समाजात जातो ।


खरी चिंता हिंदुंच्या  भविष्याची 

रिलिजन पासून रिसन पर्यंत आपण जाणार आहोत काय ? जय विज्ञान नाही….  तर जय  विज्ञाननिष्ठा म्हणणार आहोत काय ?  विज्ञाननिष्ठा हि आर्टस ची संकल्पना आहे . विज्ञान शाखेतली प्रगती म्हणजे विज्ञान निष्ठा नाही . मंगळावर रोकेट  सोडणे आपल्या देशासाठी  निश्चित अभिमानास्पद आहे . हि झाली विज्ञान क्षेत्रातलि प्रगती . विज्ञाननिष्ठा हे वेगळे प्रकरण आहे . इस्रो च्या शास्त्रज्ञांनी रोकेट  सोडण्या आधी बालाजीला केलेल्या नवसाची चिकित्सा विज्ञाननिष्ठा करेल. विज्ञाननिष्ठा कार्यकारण भाव समजून घेण्याचे तंत्र आहे. मागे अमेरिकेतल्या एका पेपरात भारताच्या मंगळ  मोहिमेचा अपमान करणारे एक कार्टुन प्रसिद्ध झाले होते . न्यू योर्क टाइम्स ने छापलेले हे चित्र अपमानास्पद होते भारत नावाचा शेतकरी देश इलिट उच्चभ्रू च्या दारात गाय घेऊन उभा आहे त्या गावनढळाला  विज्ञान प्रवणतेत इलिट व्हायचे आहे म्हणुन आपली खिल्ली अमेरिकन वृत्तपत्राने उडवली होती .  








हि खिल्ली खोटी होती . आपण वैद्न्यानिक प्रगतीत पाश्च्यात्यांच्या तोडीस तोड आहोत . पुढे अमेरिकन नासाचे एक यान हवेतच फुटले आणि "द हिंदू " नावाच्या वृत्तपत्राने नवे कार्टुन प्रकाशित करून अमेरिकेचा सूड घेतला . विज्ञान तंत्रज्ञानात  प्रगती करणे आवश्यक आहे . आणि असा विकास मोदींच्या नेतृत्वातला भारत करेल यावर माझा प्रगाढ विश्वास आहे. माझा मुद्दा विज्ञान निष्ठेचा आहे.










विज्ञाननिष्ठा हा तर्काचा प्रांत आहे . बुद्धिवाद हे विचारसरणीचे नाव आहे . पाकिस्तानी हुकुमशहांकडे अण्वस्त्रे आहेत. विज्ञान तंत्रज्ञान आहे पण विज्ञान निष्ठा नाही . पाकिस्तानातले  कायदे अजूनही शरियत नावाच्या विकृत आणि पुरातन इस्लामी धार्मिक  विचारावर आधारित  आहेत . आपल्याला काय हवे आहे ? पाकिस्तान ?? विज्ञान कि विज्ञान निष्ठा ? हे आपणच ठरवायचे आहे . पुराणातली प्लास्टिक सर्जरी , कर्णाचे जेनेटिक सायन्स आणि वेदातल्या आगगाड्या - विमाने वगैरे धार्मिक मुलतत्व-वादाची पहिली चाहूल आहे. वेद हे पाच हजार वर्ष जुने ग्रंथ असतील तर ते पाच हजार वर्षे मागासलेले ग्रंथ आहेत असे सावरकरांचे स्पष्ट मत होते.  याबाबतीत तरी मोदींचे विचार सावरकरांशी जुळत नाहीत . या हिंदुच्या  धार्मिक अन्वयार्थ बाबतीत   " मोदि  विरुद्ध सावरकर "  असाच सामना आहे. 



 पण अजूनही आशेला वाव आहे. 

विज्ञान निष्ठा या बाबतीत इल्ला असला तरी संविधान आणि सेक्युलारीझम चा अर्थ मोदि उत्तम पणे जाणतात . भारताचे संविधान न्यायी असल्यानेच एक चहावाला प्रधान मंत्री होऊ शकतो असे वक्तव्य मोदिनी केले होते . आणि शपथे समयीच संविधानाचे गुणगान केले होते . "देवालय से पहले शौचालय" हि त्यांची वास्तव वादि आणि  आवश्यक भूमिकाही गाजली होती . निदान सामजिक न्याय हा  धर्मशास्त्रात नाही --  तो संविधानात आहे याचे भान मोदिना आहे. संविधानाचा उच्चरवाने गौरव करणारे ते पहिले स्वयंसेवक आहेत . धर्माच्या चिखलात न पडता ते  " विज्ञान निष्ठा" स्वीकारतील अशी अशा करुया . पुढची १५ वर्षे एखादा बुद्धिमान बुद्धिवादी एव्हढेच करू शकतो !






१२ ऑग, २०१४

आव्हाडांचा सर्व धर्म समभाव - साहेबांचे नवे धोरण !

 



.

पक्षाच्या नेत्यांच्या विविध कृत्यातून त्या पक्षाचे धोरण व्यक्त होत असते . साहेबांच्या पक्षाचे वरिष्ठ नेते आणि केबिनेट मंत्री जितेंद्र आव्हाढ यांच्या दोन धर्म विषयक भूमिका इथे चर्चेला घ्यायच्या आहेत .  पहिली दही हंडी ची हिंदू भूमिका आणि दुसरी गाजा पट्टितले मुस्लिम बचाव हि भूमिका

१) दही हंडी 


 दही  हंडीत लहान मुलांचा मृत्यू झाल्याने कोर्टाने दही हंडीच्या थरावर आणि लहान मुलांच्या सहभागावर  निर्बंध आणले. त्यावर आव्हाढ चांगलेच संतापले      . संतापून त्यांनी फेसबुक पेजवर एक फोटो टाकला त्यावर लिहिले : - "आज माझ्याच नाहीत तर स्वर्गात हि अश्रुधारा वाहत असतील " . असे स्वत:चे कोटेशनहि आहे. (स्वर्गात !) राम , कृष्ण आणि शंकर घळा घळा रडताना दाखवले आहेत.  पुढे मुलाखतीत एक हिंदुत्व वादि  पुस्ती जोडत , .  " स्वत:ला हिंदुत्त्ववादी म्हणवणारे आता मात्र हिंदूंच्या सणाच्या बाजून उभे राहत नाहीत, हे दुर्दैवी असल्याचं "  बिनतोड सेक्युलर विधान आव्हाड साहेबान केलेलं आहे .

दही हंडी हा एक चांगला खेळ आहे आणि आधुनिक उपकरणांनी काळजी घेऊन तो खेळला गेल्यास कोणाचाच आक्षेप असणार नाही ।

लाखो रुपयांच्या हंड्या , मंडळांचे  धनाढ्य दादा, अनेक  बेरोजगार कार्यकर्ते  क्षणिक प्रसिद्धीसाठी लहान पोराला त्यात उतरवणारे आई बाप याला चाप कोणी लावायचा ?







बरे ते सर्व सोडून दिले तरी (स्वर्गातले !) देव  रडतानाचे  फोटो बीटो  टाकून  आणि हिंदुंच्या धर्म भावनाना हात घालून राजकारण करणे चूक आहे . हि तर फुल टू  सनातन प्रभात स्टाइल झाली . श्रद्धाळू माणसाच्या भावना काशाने हि   भडकू शकतात . यात अव्हाडांचे  मोठे हिंदू धर्म प्रेम आहे असा आरोप तर त्यांचे विरोधकही करणार नाहीत …. शिवसेनेच्या आमदारांनी न्यायालयीन आदेश पाळतो म्हटल्यावर   त्यांवर राजकीय कडी करण्यासाठी आव्हाडांनी हि धार्मिक काडी टाकलेली आहे.

अशा धार्मिक काड्या उत्सवाच्या बेभान (स्पिरिटमय ) जोशात दंगलिच्या वणव्याना  निमंत्रण देऊ शकत नाहीत काय ? लाउडस्पिकर्च्या वेळेवरुन पुण्यात गणपतीत दंगल झालेली आहे .  सांगलीत  गणेशोत्सवात दंगल पेटवण्यात कोणते "सेक्युलर  हात" होते याची चविष्ट चर्चा  पुढारितुन आणि सकाळ मधून भरपूर घडली आहे  . अटक झालेला सूत्रधार साहेबांच्या पक्षाच्या  वरिष्ठ नेत्याचा उजवा हात होता . बर. असो .

निवडणुकीच्या तोंडावर केलेला  - - धार्मिक भावना दुखवण्याचा - -  हा झाला हिंदू कांगावा… पण गोष्ट इथे संपत नाही ….



२)  गाजा पट्टीतली  माणुसकी 


येथे आव्हाड साहेबांचा गाजा वाचावा पेलेस्टिन वाचवा वगैरे लिहिलेला टी  शर्ट घालून काढलेला ऐटबाज कुर्रेबाज हसतमुख फ़ोटो वृत्तपत्रातून झळकला होता.  आव्हाड साहेब बाल पणापासूनच 'गोविंदा ' असल्याने त्यांचे दही हंडी बद्दलचे प्रेम समजू शकतो. गाजा पट्टीच्या य:कश्चित टी  शर्ट चा स्वाभिमान   साहेबांना का बरे वाटला असावा ? माझ्या माहितीनुसार गाजा पट्टी ठाण्यात येत नाही . आणि महाराष्ट्राच्या आमदाराचा भारताच्या परराष्ट्र धोरणाशी काहीसुद्धा संबध नाही . अरेरे हा मानवतेचा पुळका तर नव्हे ?

पृथ्वीवरील सर्व मानवावर प्रेम करणे हा तर  साक्षात मानवधर्म ! पण हाच पुळका काही अक्षाने  सरकला असता तर इसीस चे अत्याचारही दिसले असते . इसीस नावाची सुन्नी मुस्लिम संघटना इराक मध्ये सध्या  शिया मुस्लिमांचे हत्या कांड घडवत आहे . ज्यू लोकांनी घडवलेल्या पेलेस्टिनि हत्याकाण्डा एव्हढेच क्रूर हत्याकांड  ! पण आव्हाड  साहेब शिया मुस्लीमावर फारशी माणुसकी दाखवत नसावेत …।

इसीस हि संघटना इस्लाम धर्म वादि  असल्याने त्याचा निषेध केल्यास कदाचित स्वर्गातला अल्ला रडला असता . त्याचे रडके फ़ोटो टाकणे मौलविना मंजूर नसल्याने साहेबांनी सिलेक्टिव्ह माणुसकी दाखवत फकस्त ज्युनचा निषेध केला ! आव्हाढां च्या  मतदार संघात सुन्नी मुस्लिमच असून शिया  मुस्लिम फारच कमी संखेने आहेत …  हा केवळ योगायोग समजावा !








पण खरा मुद्दा याहून गंभीर आहे .  भारतातले मुस्लिम राजकारण स्थानिक मुस्लिमाना शून्य किंमत देत अंतर राष्ट्रीय प्रश्नात रस घेत बसते . याला पेन इस्लामचे राजकारण म्हणतात .   जमाते इस्लामी सारख्या संघटनांनी  ९ तारखेपासून भारतातून इस्त्राइल अमेरिका चाले जाव असे आंदोलन छेडले आहे . जमाते इस्लामीची ध्येये  त्यांनी उघडपणे अनेकवार मांडली  आहेत . त्याना भारातावर  शरिया कायद्याचे इस्लामी राज्य आणायचे आहे . त्यांच्या पेलेस्टाइन प्रेमात माणुसकीचा अंश नाही . ज्यू द्वेषाचा धार्मिक  दंश आहे .








नेमक्या त्याच मुहूर्तावर सेव्ह गांजाची माणुसकी उफाळून आली आहे . भारतीय मुस्लिम समाजाचे वास्तव भीषण आहे . गरिबी - सामजिक प्रश्न याकडे दुर्लक्ष करत आंतराष्ट्रीय प्रश्नावर धार्मिक आंदोलने करणारे या समाजाला कोठे घेऊन जाणार आहेत ? म्यानमारी बौद्धांच्या विरुद्धच्या आंदोलनात भारतात दंगली घडल्या होत्या .  आझाद मैदानात हैदोस झाला होता . त्याआधी महिनाभर इण्टनेट्वरुन विकृत चित्रे प्रसिद्ध करून भावना भडकावल्या जात होत्या . गाजाबाबत नेमक तसेच कार्य सध्या चालू आहे .

आधी आव्हाढ साहेबाची माणुसकी मुस्लीमाताल्या सुन्नी या एकाच जातीपुरती मर्यादित … त्यातही ती शर्ट्चा मुहूर्त पर्फ़ेक्ट साधलेला आहे . जमाते इस्लामीच्या आंदोलनाशी तारीख जुळून आलेली आहे हा हि निव्वळ योगायोगच आहे !


सर्व धर्मातला गाळीव मुर्खपणा एकत्र करून त्याला समर्थन देणे हेच साहेबांचे नवे धोरण असावे . पण अशा  धोरणामुळे भारत अराजकाच्या उंबरठया वर उभा आहे . 

                                                                                                                                                                                                                  


हिदुत्वाचे तर्कट आणि सेक्युलर मर्कट 


मुस्लिमाना लाउड्स्पिकर मग … आमची पण महा आरती अशा   विवादातून हिंदुत्व वादि  राजकारण फोफावले … ते जर चिखलात खेळतात तर  मग आम्ही काय पाप केलय ? आम्ही पण खेळणार !
त्याना चिखलात खेळल्याबद्दल मुका आणि आम्हाला मार काय म्हणुन ?
आम्हालाहि राजकीय मुका हवा !
अशी एकंदर पोप्युलर उजवी भूमिका आहे .  गटारात खेळल्याबद्दल मुके होऊन प्रगती होत नाही अधोगती होते . मुस्लिम बांधवाना पेन इस्लामच्या दरिद्री राजकारणातून बाहेर काढुया … त्यासाठी त्याना हात देऊया अशी भूमिका   लोकप्रिय नाही . जर त्यांच्या धर्माचे राजकारण होत असेल  तर मग आमच्या का नाही ? त्याना हज हाउस मग आम्हाला वारकरी भवन …

तर मग हिंदू बांधव हो चिखलात खेळणे हा आपला सनातन जन्मसिद्ध अधिकार आहे असे ते तर्कट आहे .

त्यावर उपाय म्हणुन सर्वच धर्माचे लांगुलचालन केले जाइल । कोणत्याच धर्मात सुधारणाना वाव देणार नाही । असे सेक्युलर मर्कट डोके वर काढु लागले आहे . आज देशाला धर्माचे मर्कट नको . खरे सेक्युलर तर्कट हवे आहे.

                                                                                                                                                                                                                       



काय आहे सेक्युलारिजम ? त्याचा घटनेतला अर्थ काय ?  


सेक्युलारिजम आणी सर्वधर्म समभाव हा विषय प्रत्येकाने चघळला. आणी प्रचंड घोळ घातला. सभ्य स्त्री - पुरुष हो - आपल्या राज्यघटनेत सर्वधर्मसमभाव नाही. धर्म पाळण्याचे स्वातंत्र्य ही घटनेत नाही.  घटनेत सेक्यूलारिझम आहे. सर्वधर्मसमभाव आणी सेक्युलारिझम या एकमेकांच्या विरुद्ध गोष्टी आहेत. सर्वधर्म समभाव. सर्व धर्म सारखेच आहेत. त्यांची शिकवण एकच आहे. सर्व देव नमस्कारः केशवं प्रति गच्छती -  ही हिंदुधर्माची शिकवण आहे. संविधानातला कायदा न्हवे ! उलट धर्मपालनाचे कोणतेच हक्क संविधान देत नाही. 

तुम्ही सगळे प्रेमात पडायच्या वयाचे आहात. कारण प्रेमात पडायचं वय कधीही संपत नाही   आणी कुणाच्यातरी प्रेमात पण असणार. जो - जी नसेल त्यान कार्यक्रम संपल्यावर मला येऊन भेटावं. शनिवारवाड्यावर जाहिर सत्कार करण्यात यील. असो ..समजा तुम्ही ट्रेन नी कुठेतरी प्रवास करत आहात. समोर एक अप्सरा बसली आहे. यौवन बिजली.. पाहून थिजली.. इंद्रसभा भवताली. अप्सरा दिसली. तुम्ही मनातल्या मनात तिच्यावर प्रेम करत आहात. असे प्रेम करण्याचे स्वातंत्र्य ती अप्सरा तुम्हाला अवश्य दील. पणमनातल्या मनात. मांडे खा. पण मनातल्या मनात. तिला ट्रेनमधे डोळा मारला ; की काय खायच ? सँडल !

भारताच्या राज्यघतनेत सेक्युलारिझम आहे. म्हणजे इहवाद आहे. कुठल्याही धर्मावर तुम्ही श्रद्धा ठेवू शकता. प्रेम करू शकता पण कसं ? मनातल्या मनात ! तुम्ही म्हणाल आमच्या धर्मात अस्प्रुश्यता आहे. आम्ही ती पाळणार... मग काय खायचं ? सँडल. 

तुम्ही म्हणाल आमच्या कुराणात लिहिलिय . मूर्त्या फोडा. काफरांविरुद्ध जिहाद करा. म्हणा की. पण. मनातल्या मनात म्हणायच. खरोखर कुणी जिहाद करू लागला- तर काय खायच ? ....सँडल. 
धर्माच्या चिकित्सेत संविधान शिरत नाही. पण २५ व्या कलमात बजावून सांगतं - धर्म पाळायचा पण मनातल्या मनात. इहलोकात कसं जगायच ? ते कायदा ठरवेल. लग्नाच वय किती असावं ? कायदा ठरवेल धर्म नाही. 


सर्व धर्म चांगले आहेत ते जवळ घ्या म्हणजे सर्वधर्म समभाव. शासकीय निर्णयातून धर्म वगळा. धर्म दूर ठेवा म्हणजे सेक्यूलारिझम. म्हणजे च इहवाद. हा सेक्युलारिझम आपल्या संविधानाचा पाया आहे. 

                                                                                                                                                                                                                  


 या देशात जी धर्मनिरपेक्षता आहे ती  मुस्लिमाच्या फायद्यासाठी नाही   नाही . या देशात एकही मुस्लिम नसता तरी हा देश धर्म निरपेक्षच राहिला असता . सेक्युलरीझम म्हणजे शासन आधुनिक राहील . शासकीय निर्णय न्याय , नीती , आचरण इत्यादी आधुनीक  चष्म्यातून घेतले जातील .  दही हंडीचे किती थर रचावेत ? किती लग्ने करावीत ? बुरखा घालावा का ? अस्पृश्यता पाळावी का ? तोंडी तलाक असावा का ? या बाबतीत कायदे करण्याचा कोणताच हक्क धर्माला नाही . सर्व हक्क शासनाकडे आहेत . 


देशातला सेक्युलारीझम हा सर्व धर्माच्या सुधारणेसाठी आहे । आणि ज्या धर्माचा समाज या सुधारणेच्या सुवर्ण संधीचा फायदा घेणार नाही … तो चिखलातच  मागास आणि दरिद्री राहणार  आहे … पण हे कोणि बोलायचे  ?  


साहेबांचे नवे धोरण सर्व धर्म लांगुलचालानाचे असल्याने दाभोलकरांचे   मारेकरी सापडणार नाहीत आणि मुस्लिम स्त्रीयांना पोटगीचा न्यायही मिळणार नाही … बाकी सर्व धर्मातल्या गाळीव मुर्खपाणाचे कौतुक महाराष्ट्रात चालूच राहणार आहे . 

----------------------------------------------------------------------------------------------------------------------------------



५ ऑग, २०१४

मौलाना नदविचा शांतता धर्म

मौलाना नदविचा शांतता धर्म 
मौलाना नदवी ने खुल्या पत्रात "इसीस" नावाच्या इस्लामी दहशत वादि संघटनेला पाठिंबा जाहीर केला आहे . "इसीस" साठी भारतातून पन्नास हजार मुजाहीदांची (धर्मयोद्धे ) फौज पाठवण्याच्या वल्गनाही केलेल्या आहेत. आणि त्या "इसीस" साठी आर्थिक मदतीचे आवाहनही केलेलं आहे . कोण आहे हा मौलाना नदवी ? हा भारतीय मौलाना आहे . 

भारतात एक दार उल उलुम नावाची सुन्नी मुस्लिमांची शिखर संघटना आहे . त्याच्याच पिल्लू संघटनेत नदवी आहेत . बरे नुसती संघटना महान आणि मुस्लिम मनावर प्रभाव असणारी आहे एव्हढेच नव्हे तर नदवीचे कुळहि हुच्च आहे . अखिल भारतीय मुस्लिम पर्सनल लॉ बोर्डाचे माजी अध्यक्ष आणि दारुल उलुमचे रेक्टर अली मियाँ यांचे हे मौलाना नातू आहेत. या महान मौलवीने "इसीस " साठी जिहाद चे आव्हान केले आहे .
-----

काय आहे इसीस ?


सुन्नी आणि शिया असे मुस्लिमांचे दोन पंथ / जमाती आहेत . मुहमद पैगंबराच्या मृत्यनंतर काही वर्षातच खलिफा (इस्लामचा सार्वभौम राजा ) कोणि व्हावे ? यावरून वाद झाला . खून पडले . रक्तपात झाला . आणि मग शिया सुन्नी असे दोन गट पडले . इसीस हि कडवी सुन्नी मुस्लिम दहशतवादी संघटना .

इसीस = ISIS = इस्लामिक स्टेट ऑफ इराक एण्ड सिरिया . 


"इसीस" ने हजारो परजातीय शिया मुस्लिमांची कत्तल केली आहे. इराक मधील स्त्री वादि कार्यकर्त्या बासमा-अल-खातीब यांच्या मुलाखतीनुसार इसीस ने शेकडो शिया स्त्रियांवर बलात्कार केले आहेत . गंमत म्हणजे संस्कृती रक्षणाचि बांग ठोकत , ह्याच इसीस ने बुरख्याची सक्ती केलेली आहे . बुरखा न घालणार्या स्त्री ला शरियत या मध्ययुगीन कायद्यानुसार शिक्षा देण्यासाठी "इसीस" कटिबद्ध आहे . बुरखा - बलात्कार आणि शरीयतची अशी गुंफण "इसीस" ने घातली आहे. एव्हढेच काय ? कपड्याच्या दुकानातील जाहिरात करणार्या प्लास्टिकच्या बाहुल्या "पुर्ण कपड्यात " असल्या पाहिजेत असाही इसीस चा नियम आहे . प्लास्टिकच्या बाहुल्यांनी चेकाळणार्या ह्या इस्लामी महाभागांचा चक्रमपणा एव्हढ्यावरच थांबलेला नाही .…. कत्तली , खून आणि बलात्काराच्या शिरावर त्यांनी खिलाफ़तिचा मुकुट चढवला आहे .

इसीस ने नवा खलिफा जाहीर केला असून भारतीय मौलाना नदविने सकल जगातील मुस्लिमांच्या या नव्या - राजास - खलिफ़ास सलाम ठोकत त्यासाठी भारतिय मुस्लिमांची फौज उभारण्याचा संकल्प सोडला आहे . कळवा - मुंब्रा - ठाणे येथील काही तरुण ह्या इस्लामी खिलाफ़तिसाठि जिहाद करायला इराक मध्ये डेरेदाखल झाल्याच्या बातम्या वर्तमान पत्रातून प्रसिद्ध झाल्या आहेत.
------
त्यामुळे नदवीचे पत्र हा हसून सोडुन द्यायचा विषय नाही . इसीस आणि दारुल उलुम यांच्या पैन इस्लामिक कनेक्षनकडे पुरोगामी मुस्लिमांनी दुर्लक्ष करता कामा नये . मुख्यत: भारतातील मुस्लिम स्त्रियांनी , शिया मुस्लिमांनी विचार करायची वेळ आलेली आहे . इतर धर्माचे लोक तर तो करतीलच.

-----------------------------------------------------------------------

२८ जून, २०१४

घटनाविरोधी धार्मिक आधारावरच आरक्षण !

घटनाविरोधी धार्मिक आधारावरच आरक्षण ! ......... नीट विचार करा. समजा मुस्लिमांना आरक्षण दिलं. तर मुस्लिम कोण ? हे ठरवायचं कसं ? सुन्नी म्हणतात की शिया हे खरे मुसलमान नाहीत. कादियानी / अहमदिया पंथाचे लोक खरे मुसलमान नसून ते काफिर आहेत. त्यांच्या विरुद्ध जिहादचे फतवे ही निघतात पाकिस्तानात. मुसलामान कोण ? व्याख्या काय मुसलमानाची ? नाव ? समीर आणी कमल नावाच्या मुसलमानांना मी ओळखतो. अंतुले आडनावाचे मुसलमान महाराष्ट्राचे मुख्यमंत्री होते. सरकारने मुसलमानाची पहिल्यांदा व्याख्या करावी लागेल. टोपी, दाढी, नमाज हे सर्व नाकारणारे ही मुसलमान असतातच.
म्हणजे शेवटी सरकारला अ‍ॅफीडेव्हीट घ्यावे लागेल की मी मुसलमान आहे. आणी मगच आरक्षण देता यील.

पण गोची अशी आहे की घटनाकारांनी धर्म बदलण्याचे स्वातंत्र्य दिले आहे. आरक्षण मिळवण्यासाठी मी काय करावे ? एक अ‍ॅफीडेव्हीट करावे. मी मुसलमान आहे. आरक्षणाचा लाभ मिळाला की पुन्हा धर्म बदलावा. हिंदू व्हावे. आता सरकार काय करणार ? माझी नोकरी काढून घेणार ? बर मी समजा सुमडीत धर्म बदलला. गुपचूप. तर सरकारला कसे कळणार ? आरक्षणाचा लाभ मिळालेले लोक इस्लाम पाळतात का ? यावर लक्ष ठेवण्यासाठी सरकार मौलवींची कमीटी नेमणार आहे काय ?

अहो दिवसातून पाच वेळा धर्म बदलता येतो. एक अ‍ॅफीडेव्हीट खेळ खलास. जी गोष्ट ऐच्छीक आहे ती गोष्ट कुठल्याही सवलतीसाठी अट म्हणून घालता येत नाही. एवढी साधी गोष्ट सरकारला कळू नये.

जातीचे खोटे दाखले मिळवून सवलती लाटणार्यांवर कायदेशीर कारवाई करता येते. कारण जात बदलता येत नाही. त्यात जन्म घ्यावा लागतो. पण धर्म ही ऐच्छीक बाब आहे. त्यावर आधारित सवलती देता येत नाहीत. धर्मांतराचे स्वातंत्र्य आणी धार्मिक आधारावर सवलती एकाच वेळी कशा देता येतील.

समजा उद्या तोगाडीयांनी हिंदू बांधवांना आवाहन केल - कोर्टात अ‍ॅफीडेव्हीट करून सवलती आणी आरक्षण लाटण्याच.. काय करणार तुम्ही ?

सर्वात महत्वाच - आज मुस्लिमांना आरक्षण आहेच. मुस्लिमातल्या मागास जातींना आरक्षणाचा लाभ मिळतोच आहे. सर्वच धर्मातल्या मागास आणी गरीब जातींना आरक्षण आहे. ते तसेच राहिले पहिजे. पण सरसकट सर्व मुस्लिमांना आरक्षण मिळू शकत नाही. कोणत्याच धार्मिक आधारावर आरक्षण मिळू शकत नाही.

मुस्लिमांना समजायला हव की धार्मिक आधारावरच आरक्षण घटनाविरोधी तर आहेच पण; ते देता येणंही अशक्य आहे. त्यामुलेच ते कोर्टात टिकणार नाही. सरकार तुम्हाला उल्लू बनवते आहे

१२ मे, २०१४

ॲरिस्टोटल च्या चश्म्यातुन - तर्कदोष (fallacy)

  


ॲरिस्टोटल च्या चश्म्यातुन - तर्कदोष (fallacy)


इग्लंड  मधल्या एका रेल्वे गाडीत दोन प्रवासी सामोरा समोर बसले होते . पेपर वाचत होते. दोघे स्कोटिश होते . पहिल्या पानावर एका तरुणीच्या खून आणि बलात्काराची बातमी होती. बातमीचा मथळा पाहताच दोन्ही स्कोटिशान्नि नाके मुरडली. असले रानटी  काम कोणताच स्कोटिश करू शकत नाही  हे त्यांच्या मनात क्षणात चमकून गेले . बातमी पुढे वाचतात… तो हि घटना स्कोटलन्ड मध्येच घडलेली असते.  दोन्ही स्कोटिशाना आश्चर्याचा धक्का बसतो. पुढे वाचतात तर तो खुनी आणि बलात्कारी माणुस चक्क एक स्कॉटिश निघतो  ! दोघे स्कोटिश मान हलवत म्हणतात …. मग तो " खरा " स्कोटिश नसणार !


अशा प्रकारे विचार करण्याला तर्कदोष  - फेलसि असे म्हणतात. इथे आपले स्कोटीश जातभाई वाईट कृत्य करूच शकत नाहीत असे गृहीत धरलेले आहे.  पण नवा अनुभव आल्यानंतर जुने निष्कर्ष बदलले पाहिजेत . पण तसे न करता … स्कोटीश असण्याची व्याख्याच बदलून टाकली आहे . स्कोटीश च्या आधी  "खरा"  हा शब्द जोडून …. आपल्या निष्कर्षात बसतील तेव्हढेच स्कोटीश " खरे " म्हणायचे असतात ! हा तर्कदोष "खरा"  हिंदू दहशतवादी नसतो किंवा "खरा" मुसलमान शांतता प्रिय असतो असाही वापरता येईल . इथे जो शांतात प्रिय नसेल त्याला "खोटा" म्हटले कि आपला तर्कदुष्ट युक्तीवाद पूर्ण होतो.  






फेलसि - तर्कदोषांचे वर्गीकरण करण्याचा पहिला प्रयत्न ॲरिस्टॉटलने (इ. स. पू. ३८४–३२२) केला. हे वर्गीकरण अजूनही बरेचसे रूढ आहे व तर्कदोषांचे वर्णन करण्यासाठी वापरण्यात येणारी बरीचशी परिभाषाही ॲरिस्टॉटलच्या वर्गीकरणावर आधारलेली  आहे.

ॲरिस्टॉटल हा ग्रीक तत्त्वज्ञ प्लेटोचा शिष्य आणि अलेक्झांडर द ग्रेटचा गुरू होता. प्रस्तुत लेखात ॲरिस्टॉटल ने केलेले तेरा तर्कदोष पहायचे आहेत . इथे हे समजून घ्यायला हवे कि जगभरातल्या सर्व माणसात हे तर्कदोष कमी अधिक प्रमाणात आढळतात . मानवाची उत्क्रांती होत असताना प्रतिकूल नैसर्गिक स्थितीत टिकून राहताना फार विचार करत बसायला मानवी मेदुकडे वेळच नव्हता . फटकन निष्कर्ष काढण्यासाठी तर्कदोष उपयुक्त आहे त्यामुळे उत्क्रांतीत तो सिलेक्ट झाला आहे पण योग्य निष्कर्ष काढण्यासाठी या नैसर्गिक तर्क दोषातून मुक्त व्हावे लागते . त्यासाठी लोजिकल - तर्कशुद्ध पद्धतीने विचार करायला मेदुला शिकवायला लागते .
प्रस्तुत लेखात तर्कशुद्ध पद्धतीने विचार करण्यासाठी कोणते तर्कदोष (फेलसि ) टाळायला हव्या ? त्या बद्दल ॲरिस्टॉटल चे मत पाहू .

ॲरिस्टॉटल ने चुकीच्या भाषेमुळे निर्माण होणारे (भाषिक ) आणि चुकीच्या विचार पद्धतीमुळे निर्माण होणारे तर्कदोष म्हणजे आशयिक अशी विभागणी केलेली आहे.






भाषिक तर्कदोष :


१) शब्दच्छल : 

एका शब्दाचे अनेक अर्थ भाषेत असतात . शब्दाच्या मुळ अर्थाचा छळ करून वेगळाच अर्थ  युक्तिवादात वापरला जातो . कायद्याच्या कचाट्यातुन सुटण्यासाठी सुद्धा हा तर्कदोष मुद्दाम वापरला जातो . नरो वा  ? कुंजरो वा ??  अश्वत्थामा मेला आहे असे धर्मराज सांगतो . त्यावेळी तो अश्वत्थामा या हत्तीचा उल्लेख करत असतो . पण त्यावरून अश्वत्थामा ह्या द्रोणाचार्यांच्या मुलाचा वध झाला आहे असे सुचित होते .

नरेंद्र मोदींना तुम्ही हिंदू राष्ट्रवादी आहात काय ? असा प्रश्न विचारला गेला होता . त्यावर मोदिनी मी हिंदू आहे आणि राष्ट्रवादी आहे असे उत्तर दिले होते . त्यामुळे त्यांचे समर्थक हि खुश होणार  आणि कुणि मोदिना त्यावर विरोधही करू शकत नाही . कारण हिंदू असणे पाप नाही . राष्ट्रवादी असणे तर त्याहून नाही . मुळातला प्रश्न तुम्हाला हिंदू धर्माचे राज्य आणायचे आहे काय ? घटना बदलायची आहे काय ?  सेक्युलर घटना मोडुन धार्मिक हिंदुराष्ट्र हवे आहे का ? असा आहे . पण मोदिनी शब्दाची फोड करून शब्दच्छल या तर्कदोषाचा युधिष्ठीर  - धर्मराजाप्रमाणे वापर केलेला आहे !

२) वाक्य छळ : 


हा तर्कदोष युक्तिवादात एक वाक्य दोन अर्थांनी घेतल्यामुळे घडतो. उदा., हे वाक्य पहा :

आई आणि ती मुलगी खेळत होत्या  - मेंदी लावलेल्या हाताने .

नेमकी मेंदी कोणि लावली आहे ? आईने ? मुलीने ? कि दोघांनी ? काहीच अर्थबोध होत नाही . प्रस्तुत उदाहरण जरी साधारण वाटले तरी वाक्य छळ हा तर्कदोष उजून गंभिर वळण घेऊ शकतो  . जसे की : -

तू    माझी बायको   मी    तुझी बायको    सिनेमाला जाऊ ! या वाक्यात योग्य ठिकाणी स्वल्पविराम दिले नाहीत तर गंभिर परिस्थिती उद्भवू शकते .






३ / ४ )  गुणाकार आणि भागाकार (समाहार आणि विभाजन ) :   


या  एकाच नाण्याच्या दोन बाजू आहेत . फारच कमी निरिक्षणातुन निष्कर्ष काढण्याची सवय सर्व प्राणिमात्राना आहे . माणुस हि त्याला अपवाद नाही .  वाद विवादात हा तर्कदोष खूप वेळा वापरला जातो .

उदाहरणार्थ : पुणे हे कंजूष  माणसांचे गाव आहे . स्वत:ला आलेल्या थोड्याश्या अनुभवांना येथे कल्पनेने गुणले आहे आणि एका अक्ख्या शहराविषयी विधान केलेले आहे .

तसा कल्पनेतला भागाकारही (विभाजन ) चुकीच्या निष्कर्षांना जन्म देतो . उदाहरणार्थ : बिहार हे गरीब राज्य आहे म्हणून सर्व बिहारी गरीब आहेत म्हणुन लालू हा एक गरीब मनुष्य आहे . सर धोपटिकरण किंवा जनरलायझेशन करायच्या मानवी प्रवृत्तीमुळे हा तर्कदोष निर्माण होतो .



५) आघात

वाक्य उच्चारताना किंवा वाचताना चुकीच्या शब्दावर जोर दिला तर हा तर्कदोष निर्माण होतो .
"तो काल संध्याकाळि येणार होता . " या वाक्यातल्या  वेगवेगळ्या  शब्दावर जोर देऊन अनेक अर्थ काढता येतात . उदा : -

"तो काल संध्याकाळि येणार होता . " - तू का आलास ?
"तो काल संध्याकाळि येणार होता . "  - आज का आला ?
"तो काल संध्याकाळि येणार होता . "  - सकाळी का आला ?
"तो काल संध्याकाळि येणार होता . "  - आलाच नाही !

चुकीच्या शब्दावर जोर दिला कि तर्कदोष तयार होतो . 

 तू शेजार्या विरुद्ध खोटी "साक्ष" देऊ नको . इथे साक्ष ऐवजी " शेजार्याविरुद्ध " या शब्दावर जास्त जोर दिला तर शेजारी सोडुन इतर लोकाविरुद्ध खोटी साक्ष द्यायला हरकत नाही . असा चुकीचा अर्थ निघू शकतो.





६) व्युत्पत्तीदोष : 


ज्या अर्थाने शब्द बनला त्या अर्थाने वापरला पाहिजे . शब्दाआधी अ प्रत्यय लावला तर विरुद्धार्थी शब्द बनतो . अ + स्वीकार = स्वीकार न करणे . उदाहरणार्थ अमुल्य चा अर्थ आहे ज्याचे मुल्य (किंमत ) करता येत नाही असे  . पण तुमचे मत अ + मुल्य (फुकट ) आहे असे त्याचा अर्थ लावला तर तो तर्कदोष ठरेल .






आशयिक तर्कदोष :


१) गृहीत प्रश्न दोष : 


तू बायकोला मारणे सोडलेस का ? तू दारू पिणे सोडलेस का ? भाजपा लोकशाही मानणार  का ? या प्रश्नात एक तर्कदोष आहे . समोरचा माणुस दारू पितो, बायकोला मारतो, लोकशाही धिक्कारतो  हे आधीच  गृहीत धरण्यात आलेले आहे . पहिले गृहीत सिद्ध न करताच हा प्रश्न विचारणे तर्कदोष ठरते  .


२) विवाद अज्ञान तर्कदोष :

हा असंबद्ध युक्तिवाद करणार्यांचा तर्कदोष आहे .   वाद विवाद करण्याचे सामन्य नियम माहित नसणारी माणसे हा तर्कदोष वारंवार करतात. आपण युक्तीने मुळ प्रश्नाला बगल दिली ! असे त्याना वाटत असते . वस्तुत: हा तर्कदोष आहे . हि युक्ती तर्कशास्त्राच्या अज्ञानातून सुचलेली असते . याचे ४ उपभाग आहेत




२अ ) व्यक्तीयुक्ती  / हेत्वारोप :  


यात विरोधकाच्या मताचे खंडन केले जात नाही . सरळ हेतूवर शंका घेतली जाते . उदाहरणार्थ आमच्या विरुद्ध लिहिण्यासाठी तुला पैसे मिळतात असे म्हणणे . किंवा तुझ्या मनातला सुप्त जातिवाद हे बोलतो आहे …. असे म्हणुन विरोधकाच्या व्यक्तिमत्वावर / हेतूवर / चारित्र्यावर शितोडे उडवले जातात . मग त्याच्या मतांचे खंडन करण्याची गरजच उरत नाही .  हा तर्कदोष सर्व राजकारण्यांकडून वापरला जातो . मोदींच्या जुन्या विवाहावर टिका करणे किंवा सोनिया गांधींच्या परदेशी मुळाचा उल्लेख  करून त्यांच्या विचारांचे खंडन टाळणे हा तर्कदोष व्यक्तीयुक्ती / हेत्वारोप म्हणुन गणला जाइल .


२ब ) भीती युक्ती : 


आपले मत पुराव्याच्या आधारावर सिद्ध करायचे नाही . ताकदीची  किंवा नुकसानीची भीती वारून युक्तिवाद टाळणे याला भीती युक्तीचा  तर्कदोष म्हणता येईल . समान नागरी कायदा करू नका . मुस्लिम  चिडतील . दंगल होईल . हा  तर्कदोष आहे . अंधश्रद्धा विरोधी कायद्याने हिंदू चिडतील म्हणुन तो करू नका हा ही तर्कदोष आहे . हि भितीयुक्ती हा भारतीय राजकारणाचा पाया बनला आहे . भीती दाखवली कि युक्तिवाद संपला आपण जिंकलो असे वाटणे हा ॲरिस्टोटल ने तर्कदोष ठरवला आहे .








२क ) लोकभावना युक्ती : 


आपला मुद्दा युक्तिवादाने सिद्ध न करता लोकांच्या भावनेचा हवाला देण्यात येतो . जगातले इतके कोट्यावधि लोक हजारो वर्षे धर्मावर श्रद्धा ठेवतात . मग धर्म चूक कसा असेल ? हा तर्कदोष आहे . नेक लोक अनेक वर्षे मुर्खपणाहि करू शकतात .


२ड ) आदर युक्ती : 

एखाद्या महान माणसाचा हवाला देऊन स्वत:चे मत सिद्ध करण्याचा प्रयत्न केला जातो . उदाहरणार्थ : गांधीजी धार्मिक होते. महान माणसाची सर्वच मते योग्यच  असतील असे नाही .  पैगंबराने अनेक विवाह केले . ज्ञानेश्वरांनी चातुर्वण्यावर आघात केले नाहीत . तुकोबा वैष्णव होते .  शिवाजी महाराजांनी आठ लग्ने  केली होती . आंबेडकरांचा फाळणीला पाठिंबा होता  .  समजा  हे सर्व खरे आहे . पण केवळ ह्या दाखल्यांवरून . आजचे युक्तिवाद करता येत नाहित.  अगदी आजच्या काळातल्या इस्रोच्या वैद्न्यानिकांनी बालाजीला साकडे घातले यावरून धर्माची आवश्यकता सिद्ध होत नाही . महान आणि आदरणीय व्यक्तीमत्वांचे हवाले देत युक्तिवाद करणे हि युक्ती समोरच्याला गप्प करायला ठीक असली तरी  तो तर्कदोष आहे. पण व्यक्तीपुजेने बद्ध समाजात हा तर्कदोष सहजच चालून जातो .


३) चक्रविचार : 

यात अ ने ब सिद्ध केले जाते आणि मग पुन्हा   ब ने अ सिद्ध केले जाते . येशु प्रेषित आहे कारण बायबलात तसे लिहिले आहे आणि बायबल दैवी ग्रंथ आहे कारण येशु देव तसे म्हणतो . खरे पाहता या दोन्ही गोष्टी स्वतंत्र पणे सिद्ध केल्या पाहिजेत.  चक्रविचार हा तर्कदोष सर्वच इझंम वाल्या मंडळींकडून थोडाबहुत वापरला जातो . वेद हि ईश्वरी वाणी अपौरुषेय आहे कारण वेदातच  तसे म्हटले आहे किंवा आंबेडकरांनी म्हटले कि जेव्हढा बुद्धधर्म विज्ञान निष्ठ असेल तोच खरा बुद्धधर्म ! हि दोन्ही आर्ग्युमेण्ट यातच मोडतात .







४) छद्म कारण दोष : 


यात वेगळ्याच कारणाचे खण्डन करून भलताच परिणाम चूक ठरवला जातो . पक्षि उडतात मग गुरुत्वाकर्षण कसे काय अस्तित्वात असू शकेल  ?  वास्तविक पाहता पक्षि किंवा विमाने उड्ण्याचा आणि गुरुत्वाकर्ष्णाच्या सिद्धांताचा काहीच संबध नाही .




 राजचे आडनाव ठाकरे आहे मग तो हिंदुत्व वादिच  असणार हा हि तर्क दोषच.  कारण आडनावाचा आणि विचारसरणिचा काहीच संबध नसतो !









५) उपाधी तर्कदोष: 


 याचं अॅरिस्टॉटलने दिलेलं उदाहरण सांगतो. हा कुत्रा बाप आहे, हा कुत्रा तुझा आहे. म्हणून हा कुत्रा तुझा बाप आहे. हे विधान उघडच तर्कसंगत नाही.





६) सामान्य-विशेष-संभ्रम : 


 सामान्य नियम जेव्हा आपण विशिष्ट वस्तुंना किंवा घटनांना उद्देशून लावतो, तेव्हा त्याचं हे उपयोजन काही अटींनी मर्यादित झालेलं असतं असं आपण मानतो. पण अनेकदा आपण या अटी स्पष्टपणे नमूद करत नाही. उदाहरणार्थ, ‘प्रत्येक माणसाला आपल्या मालमत्तेची विल्हेवाट लावण्याचा अधिकार असतो,’ हे सामान्य तत्त्व जर आपण घेतलं, तर माणसाला वेड लागलेलं नाही, तो शुद्धीवर आहे इत्यादी अध्याहृत अटी त्याचं उपयोजन मर्यादित करतात. अशा सामान्य तत्त्वाच्या उपयोजनावर मर्यादा घालणार्या अटी लक्षात न घेता, जर ते तत्त्व एका विशिष्ट वस्तुला लावलं, तर तो सामान्य-विशेष-संभ्रम तर्कदोष होय. उदाहरणार्थ, दारूच्या धुंदीत असलेल्या माणसाला आपल्या मालमत्तेची विल्हेवाट लावण्याचा अधिकार असतो असा निष्कर्ष मी काढला, तर हा तर्कदोष घडेल.







आता आपण पुढे नव्याने वापरात आलेले तर्कदोष पाहू. आपल्याला हवी तेवढी माहिती गोळा करायची नको त्या माहितीकडे दुर्लक्ष करायचं. मग आपोआपच आपल्याला हवे ते निष्कर्ष निघतात. फोर्टमध्ये राहणार्या माणसांची स्थानिक स्थिती पाहून सगळी मुंबई श्रीमंत आहे असा निष्कर्ष काढणं यास चेरी पिकिंग फेलसी असं नाव आहे.

वदतोव्याघात हा एक अजून   तर्क दोष . यात आपण आपले म्हणने आपणच खोडून काढत असतो . उदाहरणार्थ ती म्हातारी बाई फार तरुणपणिच मरून गेली किंवा ब्राह्मणांनी जाती निर्माण केल्या . म्हातारी बाई तरुणपणिच मरू शकत नाही कारण ती म्हातारी आहे असे आपण आधीच म्हटले आहे . ब्राह्मण हि एक जात आहे . आणि जर भुतकाळात इतिहासात जाती नसलेली व्यवस्था अस्तित्वात असेल तर जाती निर्माण करायला … ब्राह्मण हि जात कोठून उत्पन्न झाली  ?


सगळ्यात शेवटचं म्हणजे ः स्ट्रो मेन फेलसी ः यामध्ये दुसर्याचं मुख्य म्हणणं ऐकून घ्यायचं नाही आणि निरर्थक लहान मुद्यावर वाद घालत वेळ काढायचा याला स्ट्रो मेन फेलसी असं म्हणतात. स्ट्रो मेन म्हणजे बुजगावणं. शत्रुच्या सैन्यावर हल्ला न करता शत्रुच्या बुजगावण्यावर हल्ला करायचा आणि मग विजयाचा डंका पिटायचा… प्रस्तुत लेखातल्या मुख्य विषयाकडे दुर्लक्ष करून लहानसहान नजरचुकीवर हल्ला करून बुजगावणं मारल्याचा आनंद व्यक्त करता येईलच की! त्यालाच म्हणायचं स्ट्रो मेन फेलसी!







(संदर्भ स्रोत : मराठि विश्वकोश , तत्वज्ञान कोश , गुगल ! )

.

४ मे, २०१४

दोष माझ्या तुमच्यासकट आपल्या सर्वांचा आहे.

दोष माझ्या तुमच्यासकट आपल्या सर्वांचा आहे.

काही वर्षापूर्वी खैरलांजीत भोतमांगे नावाच्या दलित कुटुंबावर अत्याचार झाले होते . स्त्रियांच्या अब्रूशी खेळ आणि पाशवी हत्त्या कांड झाले होते. परवा आपल्याच महाराष्ट्रात नितीन आगे नावाचा सतरा वर्षाचा कोवळा मातंग पोरगा उच्च जातीय मुलीशी बोलला म्हणुन त्याला बडवून बुकलुन ठार करण्यात आले . 

खैरलांजीपासुन सोनाई हत्याकाण्डा पर्यंत सार्या गुन्हेगार माजोरड्यानच्या घरादारावर तेव्हाच नांगर फिरला असता तर आज हि हिम्मत झाली नसती . पुरोगामी अब्बा आणि अजाणत्या राजाच्या राष्ट्रवादी पक्षाशि सलग्न असलेली हि घमेंडी सरंजामशाही आहे . परत सांगतोय.. खैरलांजी आणि विशेषत: खर्डा प्रकरणातील सगळे आरोपी हे राष्ट्रवादीशी संबंधित आहेत. हुच्चकुलीन मराठे आहेत . मग कारवाई कोण करणार ? त्यांनी पाळलेल्या टुक्कार ब्रिगेड बिळात लपून बसणारच …


शोषित समाजाचे प्रेम कोणाला नाही . डाव्याना नाही उजव्याना नाही आणि मधल्याना हि नाही .

आणि या अत्याचारांविरोधात रान पेटवणे हे भगव्यानाहि मानवणारे नाही .

राष्ट्र रक्षण हे भगवे सनातन ब्रह्म ब्रीदवाक्य . पण सरंजाम दारांची कायमची नोकरी पत्करलेल्या भ्याड सनातनी शेण्ड्याना हे कसे कळावे ? रक्षणाचा विचार पोषणाच्या चिंतनातुन सकस बनत जातो . पुरातन सनातन परंपरेने दु:ख आणि दैन्य मिटवण्यासाठी सामाजिक परिवर्तनाचा विचार का केला नाही ?

मग या व्यवस्थेला आपली व्यवस्था , या राज्याला पुरोगामी राज्य आणि या देशाला आपला देश का मानावा शोषीतांनी ? मला मातृभूमी नाही... असे आज कोणि पुन्हा म्हणाला तर ..तो दोष त्याचा नाही . ..दोष माझ्या तुमच्यासकट आपल्या सर्वांचा आहे.

२ मे, २०१४

समस्त लग्नाळु तरुण बंडू आणि बबलिसाठि कानमंत्र

समस्त लग्नाळु तरुण बंडू आणि बबलिसाठि कानमंत्र 



लग्ने न जमणे आणि जमली तर फार उशिरा जमणे हा एक कॉमन प्रोब्लेम झाला आहे. परवा चेन्नैला आमची एक वय वर्षे तीस वर्षाची जुनी मैत्रिण भेटली . अजून लग्न झालेले नाही . मी यकदम विचारले का ग ? मुद्दा असा कि ती गेल्या जवळ जवळ ८ ते १० वर्षापासून मुलगे पाहत आहे . पण लग्न जमत नाही . शिक्षणाने डोक्टर , आर्थिक द्रुश्ट्या उत्तम स्वयं पुर्ण , दिसायला बरी तरीही नाही जमत लग्न … मी विचारल का ग ?

तर म्हणे… कोणि पोट्टा क्लिक झाला नाही ना ! यश राज चोप्रा , शारुख खान आणि कोई ना कोई … कही ना कही। हर किसीके लिये बना है । ला साष्टांग दंडवत…. पण हे क्लिक होणे म्हणजे काय ? हृदयाने हृदयाला आणि हार्मोनने हार्मोनाला - जीवशास्त्रीय संप्रेराकाने घातलेली साद म्हणजे क्लिक ! हि जीवशास्त्राची हाक आहे पुनरुत्पादनासाठी …

जगातली दोनच खरी नाती … दोनच खर्या जाती म्हणजे …. स्त्री आणि पुरुष ! मग मी तिला विज्ञान आणि संख्याशास्त्र पुन्हा समजावून सांगू लागलो …










परतीच्या विमान प्रवासात एक जुना खास बुद्धिमान मित्र बरोबर होता त्याच्याशी मन मोकळेपणे गप्पा हाणायला गेल्या कित्येक महिन्यात मोकळा वेळच नव्हता मिळाला …. तो हि अविवाहित वय वर्ष ३२ …. सध्या उत्तम… आर्थिक द्रुश्ट्या सुस्थापित… दिसायलाही बरा … पण लग्न नाही केलेले … त्याच्या बौद्धिक अभिरुचीशी सुसंगत अशी बायको न मिळणे हि त्याची तक्रार होती … लग्न करण्या आधी विचार जुळले पाहिजेत हा हेका … मी विचारले विचार जुळणे म्हणजे काय ? मग मी त्याला विज्ञान आणि संख्याशास्त्र पुन्हा समजावून सांगू लागलो ……

-----------------------------------------------------------------------------------------------------------------------------------------------------------------------------------

आमचे एक दूरचे चुलत मावस बंधू सध्या फ़्रस्ट्रेट झाले आहेत . वय वर्षे ३६ . आत्ताच फोनवर त्याच्याशी बोललो . म्हटला ना माझा एरेंज मेरेज जमला ना लव्ह मेरेज …. आता काय पुढे ? मग मी त्याला विज्ञान आणि संख्याशास्त्र पुन्हा समजावून सांगू लागलो ……
----------------------------------------------------------------------------------------------------------------------------------------------------------------------------------

मुद्दा फकस्त लोजिकचा आणि स्टेटीक्स - संख्याशास्त्राचा आहे . लव्ह आणि एरेंज आणि बौद्धिक मेरेज एकाच वेळेला करायचे आहे . सगळ्याच लग्नाळू बंटी आणि बबलिचा हा मुद्दा त्याना अविवाहित ठेवतो आहे .










बर आता थोडसे संख्याशास्त्राविषयी बोलूयात . समजा तुम्हाला प्रेम विवाह करायचा आहे . तर पहिली अट अशी प्रेम उत्पन्न झाले पाहिजे . प्रेमात हार्मोन आहे तेस्तोस्तेरोन , इस्ट्रोजेन आणि प्रोजेस्तेरोन नावाच्या स्त्री - पुरुष हार्मोनाची नाळ, वेळ आणि उद्दिपनाचा काळ जुळाला कि प्रेम होते. या दोन्ही बाजूच्या हार्मोनच्या एकत्रित उद्दिपानाची शक्यता किती ? बर ते जीवशास्त्र गेल तेल लावत ! मला एक सांगा प्रेम बसणे हि एक सिलेक्षन ची क्रिया आहे . इथे कोई ना कोई … कही ना कही। हर किसीके लिये बना है । मग त्यामुळेच प्रत्येक व्यक्तीवर प्रेम बसू शकत नाही . कमीत कमी … दहातली एक व्यक्ती प्रेमासाठी योग्य वाटते ।

म्हणजे स्टेटीक्स - संख्याशास्त्रा नुसार प्रेमात पडायची शक्यता दहात एक ! पण प्रेम फक्त तुला वाटुन उपयोग नाही ... तिलाही वाटले पाहिजे !!

बरे हे प्रेम दोन्ही बाजूने झाले पाहिजे … स्त्री पुरुष अशा दोन्ही बाजूनी विचार केला तर या दोन्ही शक्यतांचा गुणाकार करावा लागतो. प्रत्येक पुरुषाला दहातल्या एका स्त्री विषयी प्रेम वाढणार आणि प्रत्येक स्त्री ला दहात्ला एकच पुरुष स्वप्नातला राजकुमार वाटणार .

प्रेम हि दोन्ही बाजूनी घडणारी क्रिया असल्याने १० गुणिले १० = १०० … १०० शक्यतातून एकदाच दोन व्यक्तींचे प्रेम जुळू शकते . म्हण्जे १०० मध्ये एक हा भिन्नलिंगी प्रेमाचा संख्याशास्त्रीय गुणक आहे .





  







बरे एरेंज मेरेजाचे काय ? एरेंज मेरेज च्या अटी कोणत्या ?

१) त्यात जात जुळली पाहिजे .
२) सांपत्तिक स्थिती जुळली पाहिजे
३) शिक्षण जुळले पाहिजे
४) परत जोतीशी पत्रिका जुळली पाहिजे
५) उमेदवार आपल्याच गावातला असावा

आपण ह्या सगळ्या शक्यता दहात एक लग्नाळू लोकांच्या जुळतील असे गृहीत धरू . त्याही पाचही शक्यातात बसणारे उमेदवार किती ? भारतात जर १०० उम्मेदवार लग्नाळू असतील तर त्यात तुमच्या जातीत दहात एक यापुढे मजल जात नाही . सांपत्तिक स्थिती जुळणारे किती ? त्यात पुन्हा दहात एक हेच कमीत कमी गुणोत्तर घेऊ … उरलेल्या अटीत सुद्धा दहात एक यापुढे जात नाहीत . ५ गुणिले १० = ५०… पन्नास्सातला एक उमेदवार लग्नासाठी योग्य ठरेल . म्हणजे एरेंज मेरेजचा संख्याशास्त्रीय गुणक ५० मध्ये एक असा आहे .

-----------------------------------------------------------------------------------------------------------------------------------------------------------------------------------

बरे विचार जुळण्याचे काय ?

कोणत्याहि दोन व्यक्तींचे विचार तंतोतंत जुळू शकत नाहीत , पण आपण सोयीसाठी दहात एक व्यक्तीचे विचार जुळतात असे गृहीत धरू मग … विचार जुळून लग्न करण्याचा योग दाहात एक असा होईल .

-------------------------------------------------------------------------------------------------------------------------------------------------------------------------------------

आता मुद्दा असा आहे कि आई वडिलांनी (एरेंज मेरेज) निवडलेला उमेदवार क्लिक झाला ( प्रेम विवाह) कि मग त्याच्याशी विचार जुळले पाहिजेत . लव्ह आणि एरेंज आणि बौद्धिक मेरेज एकाच वेळेला करायचे आहे .

संख्याशास्त्रानुसार १०० गुणिले ५० गुणिले १० = ५०००० उमेदवारातून एक उमेदवार तुम्हाला निवडायचा आहे . याचा साधा सरळ अर्थ असा कि या -एरेंज मेरेज । प्रेम विवाह । विचार विवाह असे तिन्ही एकाच वेळेला करायचे असेल तर पन्नास हजार उमेदवारांची छाननी करणे आवश्यक आहे …
-----------------------------------------------------------------------------------------------------------------------------------------------------------------------------------

आता त्यातला एकच करायचा कि त्यापैकी एकच अट घालायची ?एरेंज मेरेज? प्रेम विवाह? विचार विवाह ?? हे तुम्हीच ठरवायचे आहे . समस्त तरुण बंडू आणि बबलिसाठि कानमंत्र असा कि प्रेम करा आणि मजा करा …




या गॅझेटमध्ये एक एरर होती.

सर्व लेख विषयानुसार

या गॅझेटमध्ये एक एरर होती.
या गॅझेटमध्ये एक एरर होती.

लेखकाला मेल द्वारे संपर्क करण्यासाठी

नाव

ईमेल *

संदेश *